Our History
કોઠાવાળી મહાકાળી ધામ
પાવાગઢ અને કલકતા જેટલુ મહત્વ ધરાવતા મહાકાળી માતાજીનુ મંદીર
મહાકાળી માતાજીનું મુખ્ય સ્થાનક કલકતા અને બીજું સ્થાન ગુજરાતમા પાવાગઢ ખાતે આવેલું છે માતાજીનું ત્રીજું સ્થાન અને આટલું જ ધાર્મિક મહત્વ ધરાવતું મહાકાળી માતાજી નું મંદિર સૌરાષ્ટ્રના અમરેલી જિલ્લા ના બાબરા તાલુકા ના નવાણિયા ગામમાં કોઠાવાળી મહાકાળી માતાજી તરીકેનું ધામ સુપ્રસિદ્ધ છે.
આજથી લગભગ ૫૦૦ વરસ પહેલાં આ ગામમાં લાખા વણજારાએ વેપાર ધંધા માટે પોઠયું લઇ ગામના પાદરમાં ઉતર્યો હતો. ત્યારે તેમની પાસે નાણાં ખૂટતા ગામના દરબારની પાસે ગયા અને તેમની સમસ્યા રજૂ કરતા દરબારે તેમના જસાણી કામદાર ને હુકમ કર્યો ત્યારે લાખા એ નાણાં ની બદલીમા મહાકાળી માતાજીની મૂર્તિ અડાણે મૂકી અને જ્યારે નાણાં પાછા આપી મૂર્તિ પરત લેવા આવ્યો ત્યારે દરબારે અને જસાણી કામદારે જે કોઠામાં માતાજી ની સ્થાપના કરી હતી તે ગોખમાથી માતાજી નો અવાજ આવ્યો કે હું હવે તારી સાથે નહીં આવું અને તને જ્યારે દર્શન કરવાની ઈચ્છા થાય ત્યારે અહીં તું આવજે.
એક દિવસ માતાજી જસાણી કામદારના સપનામા આવીને કહ્યું કે હું આજથી જસાણી પરિવારના કુળદેવી તરીકે પૂંજાઇશ અને ત્યારથી અહીં જસાણી પરિવારના નેવૈધ, હવન અને લગ્નના છેડા-છેડી પણ અહીં થાય છે.
તેમજ માતાજીના દર્શને તમામ વર્ગના લોકો આવે છે. અને માતાજી દરેક લોકો ની મનોકામનાઓ પૂર્ણ કરે છે. નવરાત્રી દરમિયાન વિશેષ અહીં મોટી સંખ્યામાં ભાવિકોની ભીડ રહે છે. રવિવારે અને મંગળવારે માતાજી ના દર્શનનો મહિમા વિશેષ હોય છે. વિજયાદશમીના દિવસે માતાજીના સ્થાનકમાં યજ્ઞનું ભવ્ય આયોજન કરવામાં આવે છે. ગામમાં કોઈ રોગ કે સંકટ ન આવે તે માટે માતાજીને લાપસી ધરવામાં આવે છે. નવરાત્રી મા માતાજીનો દરરોજ અલગ - અલગ શણગાર બદલવામાં આવે છે. જેના દર્શનનો લાભ ભાવિકો મેળવે છે. અને આ દર્શન નો લાભ એ ખુબજ અનિવાર્ય ગણવામાં આવે છે.
જય માતાજી
